Kumpulan Paribasa Sunda Anu Di Mimitian Ku Huruf C
Caang bulan dadamaran.
Hartina : Migawé anu kurang mangpaat.
Cacag-nangkaeun.
Hartina : Henteu bérés, henteu rata.
Caina hérang, laukna beunang.
Hartina : Hasil maksud kalawan bérés, teu aya kaributan atawa pacéngkadan naon-naon.
Cangkir emas eusi délan.
Hartina : Omonganana mah alus, nepi ka urang jadi percaya jeung kataji, tapihaténa jahatjeung matak ancaman ka urang.
Cara (Kawas) kuda leupas ti gedogan.
Hartina : Bingung ku kamerdékaan. Terus sakama-kama nganteur kahayang,ngalajur napsu, karena euweuh anu ngageuing atawa nyengker.
Cara rino Cihéa.
Hartina : 1. Leumpangna nyuruntul baé. 2. Lamun papanggih dijalan, tara nanya-nanya acan.
Cara bueuk meunang mabuk.
Hartina : Ngeluk baé, teu lémék, teu nyarék, euweuh hojah, euweuh karep: euweuh kahayang sabab éra atawa sieun.
Cara cai dina daun bolang.
Hartina : Papatah anu henteu digugu, atuh teu aya mangpa'atna.
Cara embé.
Hartina : Embung mandi, sabab sieun ku cai.
Cara gaang katincak.
Hartina : Anu tadina ramé kacida, ayeuna mah jadi jempling pisan.
Cara jogjog mondok.
Hartina : Carékcok baé, mani gandéng naker.
Cara merak.
Hartina : Beuki pisan kana lada.
Cara simeut hiris, tai kana beuheung-beuheung.
Hartina : Pohara bodona, beunang dibobodo atawa ditipu ku batur.
Carang takol.
Hartina : Saeutik caritana. Nu diomongkeun téh dicokot perluna bae.
Caréham hayameun.
Hartina : Gampang pisan laparna.
Cécéndét mandé kiara.
Hartina :
. Nu leutik nyaruaan nu gedé.
. Nu miskin nyaruaan nu beunghar.
. Nu Iembék nyaruaan anu kuat.
Ceuli Iéntaheun.
Hartina : Sok gagancangan nyaritakeun ka batur, naon baé anu geus kadéngé,turtaning tacan karuhan éta béja téh bener henteuna.
Ceuli léntaheun.
Hartina : Resep ngadéngékeun kagoréngan atawa kaaéban batur.
Cicing dina sihung maung.
Hartina : Nganjrek di jelema anu dapat nyusahkeun atawa nyilakakeun ka diri urang.
Cikal bugang.
Hartina : Maot pangheulana dina pangperangan.
Cikaracak ninggang batu, laun-laun jadi legok.
Hartina : Najan bodo asal leukeun diajarna laun-laun ogé tangtu bisa.
Cikaracak ninggang batu, laun-laun jadi legok.
Hartina : Ku dileukeunan mah sakumaha héséna ogé, laun-launjadi bisa.
Cileuncang mandé sagara = Cécéndét mandé kiara = Hunyur mandéangunung.
Hartina : Nyaruaan ka jelema anu saluhureun harkatna, darajatna atawa pangabogana.
Ciri sabumi, cara sadésa.
Hartina : Béda tempatna, béda deui sopan santun jeung kabiasaanana.
Clik putih, clak hérang.
Hartina : Kaluar tina haté anu beresih, rido pisan, pasrah pisan, teu aya geuneuk maleukmeuk.
Congo-congo ku amis, mun rek anyir oge puhuna.
Hartina : Kumaha arék bageurna di nu jadi anak, lamun bapana henteu bageurjst.
Cueut ka hareup.
Hartina : Geus kolot, geus deukeut ka paéh.
